अर्जुन मुंडा NDA केँ दिग्गज नेता केँ प्रस्तावक बना चुनावी नामांकन कयलनि

खूंटी (झारखण्ड ) : झारखंड केँ खूंटी लोकसभा सीट सँ नामांकन दाखिल करय लेल मंगलदिन केंद्रीय मंत्री आ भाजपा प्रत्याशी अर्जुन मुंडा कलेक्ट्रेट पहुंचलाह. अपन समर्थक संग उपायुक्त कार्यालय मे जा क’ अपन नामांकन दाखिल केलथि। एहि सँ पहिने सपत्नी कर्रा आ अंगराबारीक सोनमेर मंदिर मे पुजा -अर्चना कयलनि । नामांकन दाखिल केलाक बाद ओ रोड शो केलनि। एहि मे बाबूलाल मरांडी सहित NDA अनेकों बड़का नेता शामिल छलाह। एहि बेर अर्जुन मुंडा केँ प्रस्तवाक बाबू लाल मरांडी , पूर्व सांसद करिया मुंडा आओर आजसू पार्टी केँ प्रमुख सुदेश महतो जी छला।
एहि सीट I-N-D-I गठबंधन केँ तरफ सँ कांग्रेस केँ उम्मीदवार कालीचरण मुंडा सेहो अपन नामांकन आई 23 अप्रैल 2024 क’ कयलनि। एहि सीट पर चुनाव 13 मई कए होए वाला अछि।