लहरि रूम (पटना ) : बिहार चुनाव मे महागठबंधन पैघ पराजय के बाद कांग्रेस केर वरिष्ठ नेता अखिलेश प्रसाद सिंह सोमदिन पार्टी केँ अंदर पैघ संगठनात्मक दुर्गुण के स्वीकार केलनि। राहुल गांधी आ गठबंधन क नेतृत्व कए “मतदाता अधिकार यात्रा” क दौरान भेटल भारी समर्थनक बावजूद पराजय भेटल । NIA सँ बात करैत सिंह कहलनि कि राहुल गांधी बहुत मेहनत केने छला , अभूतपूर्व भीड़ केँ आकर्षित केने छला संगे प्रभावशाली आ अभूतपूर्व स्वागत कयल गेल छल मुदा पार्टी अहि ऊर्जा केँ चुनावी फायदा मे रूपांतरित करबा मे असमर्थ रहल ।
कांग्रेस नेता कहला जे टिकट वितरण आ आंतरिक मामला पर बेसी ध्यान देब महत्वपूर्ण समय मे प्रमुख नेता क’ विचलित क देलक। अखिलेश प्रसाद सिंह कहलनि कि इ बात सत्य छैक जे राहुल गांधी बड मेहनत केलनि , आ जखन ओ महागठबंधन केर नेता सबके संग एसआईआर के विरुद्ध पच्चीस जिला मे गेला तखन खूब भीडक संग हुनक स्वागत भेल। ओहि क्रम मे संगठन के सदस्यक दायित्व छल जे ई संदेश जनता धरि पहुँचाबी, जाहि मे सदस्य लोकनि असफल रहलाह ।
ओ आगू कहलनि जे शायद सब कियो टिकट बांटय मे व्यस्त भ’ गेल छला । एहिसँ कठिनाइ सेहो उत्पन्न भेल। बिहार कांग्रेस अध्यक्ष सेहो चुनाव लड़ि रहल छलाह। कांग्रेस विधायक दल सेहो चुनाव लड़ैत छल । एहि पर नजरि रखनिहार कियो नहि छल। जेना चुनावक कोनो प्रबंधन नहि हो। अतः एहि सब कठिनाई के सामना करय पड़ल। ई एकटा सामूहिक जिम्मेदारी थिक; सब कियो एक संग बैसि क’ निर्णय लेत। कांग्रेस सांसद तारिक अनवर सेहो एहि मुद्दा पर एहने संदेश दैत कहलनि जे, “सीट बंटवारा के मुद्दा बहुत दिन तक अनसुलझल रहल। जनता के ई संदेश नहि जेबाक चाही छल जे सीट बंटवारा के संबंध मे गठबंधन मे मतभेद छल, जकर कारण हमरा सब के पराजय केर सामना करय पड़ल।”
