किसान आंदोलन-सिंघु बॉर्डर, अन्तर्राष्ट्रीय सीमा जकाँ भेल सील !
पंजाब-हरियाणा केँ किसान दिल्ली मार्च केँ तैयारी मे, दिल्ली पुलिस सिंघु सीमा पर अपन कमर कसि क’ तैयार अछि…….
लहरि रूम (नई दिल्ली) : पंजाब – हरियाणा केँ किसान 6 दिसंबर क’ राष्ट्रीय राजधानी मे अपन प्रस्तावित मार्च केँ तैयारी मे छथि। हालांकि दिल्ली पुलिस सिंघु सीमा पर जे कोनो स्थिति उत्पन्न होयत ओकरा सँ निपटबा लेल तैयार अछि। किसान नेता सरवन सिंह पंधेर कहलनि जे, किसान सभहक पहिल खेप दुपहरिया मे एक बजे दिल्ली लेल प्रस्थान करत। आशा अछि जे सरकार नीक संदेश देत आ हमरा सब केँ कतौ नहि रोकत। ओ कहलनि जे, जाहि तरहे बैरिकेडिंग भ’ रहल अछि, एहन बुझाइत अछि जेना ई अंतरराष्ट्रीय सीमा बनि गेल अछि।
