देवघर/ रविदिन भोरमे सारठक शहीद गणेश पाण्डेय चौक लग सं एकटा बाइकक डिक्कीसँ प्रतिबंधित माँस बरामद कयल गेल। बाइकक चालक घटनास्थल सँ भागि गेल।
ई घटना भोरे लगभग ७ बजे के बताओल जाइत अछि। प्रतिबंधित मांसक खुलासा तखन भेल जखन उक्त चौराहा पर दूटा बाइक आमने-सामने टकरा गेल। एहि दौरान बाइक सड़क पर खसि पड़ल।
एहि घटनामे हीरो पैशन प्रो बाइक (JH10AM4399) डिक्की सं प्रतिबंधित माँस छल। टक्कर के बाद बाइक सड़क पर खसि पड़ल। बाइकक टक्कर सुनि स्थानीय लोक लगमे जमा भऽ गेलाह।
लोकसभ ओतय सड़क पर प्रतिबंधित माँस बिखरल देखलक। एकर बाद तत्काल सारथ पुलिस के जानकारी देल गेल। सारथ थानाक एएसआई सुरेश रवानी पुलिस बलक संग घटनास्थल पर पहुँचलाह। पुलिस बाइक आ प्रतिबंधित माँस जब्त कऽ थाना लऽ गेल।
सूत्रसँ भेटल जानकारीक अनुसार कहल जाइत अछि जे ओ थाना क्षेत्रक मंगना हीर गामसँ बाइकक ट्रंकमे प्रतिबंधित माँस लऽ जा रहल छलाह। एहि मामलामे एखन धरि कोनो गिरफ्तारी नहि भेल अछि। पुलिस मामला के जांच कए रहल अछि।
