नई दिल्ली :T20WC- 2024 चैंपियन टीम भारत केँ खिलाड़ी लोकनि केँ हवाई जहाज आबि रहल अछि। प्रधानमंत्री नरेंद्र मोदी वृहस्पति दिन क’ भोर 11 बजे रोहित शर्माक नेतृत्व मे भारतीय क्रिकेट टीम सँ भेंट करताह। बेरिल चक्रवात के कारण बारबाडोस में फंसल भारतीय क्रिकेट टीम आई ओतय सं रवाना भ गेल अछि आ 4 जुलाई के भोर में दिल्ली पहुंचत।
घर पहुंचला केँ बाद सब सँ पहिने भारतीय टीम केँ खिलाड़ी आओर टीम केँ दोसर सदस्य काल्हि भोर 11 बजे प्रधानमंत्री मोदी सँ भेंट करताह। एकर बाद पीएम मोदी केँ संग जलपान होयत। एहि बैसार केँ बाद भारतीय खिलाड़ी मुंबई केँ लेल प्रस्थान करता। एतय विजय परेड खुलल बस मे होयत। एकर बाद भारत मे क्रिकेट नियंत्रण बोर्ड केँ सचिव जय शाह पुरस्कार राशि देता । टीम इंडिया केँ स्वागत करय लेल सेहो भारी संख्या मे समर्थक एयरपोर्ट पहुंच सकय छथि। भारतीय क्रिकेट टीम 29 जून क’ T20WC- 2024 विश्व कप केँ विजेता बनल छल । ओही दिन प्रधानमंत्री भारतीय खिलाड़ी सब सँ फोन पर बात केलनि आ टीम के बधाई देने छला।
