कोलकाता/ प्रवर्तन निदेशालय (ईडी)क अधिकारी पश्चिम बंगालक उत्तर २४ परगना जिलामे तृणमूल कांग्रेसक दूटा नेताक आवास सहित १० स्थानपर एक सङ्ग छापा मारलनि। ई जानकारी ईडी के अधिकारी स्वयं देलखिन।
ई कार्रवाई करोड़ों रुपयाक राशन वितरण घोटालाक चलि रहल जाञ्चक हिस्सा अछि। अधिकारी लोकनि कहलनि जे ईडीक अधिकारी केंद्रीय बलक संग राजारहाट, बारासात, बशीरहाट, भांगर आ देगंगामे छापा मारलनि।
एकटा अधिकारी मीडियाकेँ बतौलनि जे चाउर आ आटा मिलक सङ्ग-सङ्ग एहि घोटालामे प्रत्यक्ष वा अप्रत्यक्ष रूपसँ सम्मिलित व्यवसायीक कार्यालयपर छापा मारल गेल। एहिमे देगंगाक तृणमूल कांग्रेसक दूटा नेता शामिल छथि, जिनकर मिलक तलाशी लेल जा रहल अछि।
