बदलल रांची शहर केँ ट्राफिक व्यवस्था – प्रातः 9- 12 आओर संध्या 5- 8:30 बजे तक नहि चलत मालवाहक, ऑटो, वैन -ठेला

रांची (झारखण्ड) : रांची शहर केँ जाम मुक्त रखबाक लेल 15 ट्राफिक रुट पर नो एंट्री केँ समय बढ़ा देल गेल अछि। समय केँ रूपान्तरण सं व्यपारी लोकनिक परेशानी बढ़ि सकैत छनि। मुदा रातु रोड, मेन रोड आ बरियातू रोड मे बढ़ैत ट्राफिक जाम सँ आम जन मानस केँ आफियत भेट सकैत छनि। नव नो एंट्री ट्राफिक व्यवस्था मे प्रातः 9 बजे सँ 12 बजे तक आओर संध्या 5 बजे सँ 8: बजे तक मालवाहक टेम्पू , वैन आओर ठेला केँ चलनाइ पर रोक लगाओल गेल अछि। पैघ वाहन केँ रिंग रोड पर ठाड़ रखे पडत।