भारत केँ चैंलेंज देबई वला ऑस्ट्रेलिया T20WC सँ बहार : बांग्लादेश केँ पराजित क’ अफगानिस्तान पहुँचल सेमीफाइनल मे

नई दिल्ली : अफगानिस्तान बंगलादेश केँ आठ रन सँ पराजित क’ सेमीफाइनल मे जगह बना लेलक अछि। एकर संगे ऑस्ट्रेलियाई टीम टी-20 विश्व कप सँ बाहर भ’ गेल अछि । ऑस्ट्रेलिया केँ उम्मीद बांग्लादेश टीम पर टिकल छल। कम स्कोर वाला ई मैच मे एक समय एहन लगैत छल जें कि बंगलादेश ने केवल क्वालीफाई करतै अपितु अफगानिस्तान केँ T20WC – 2024 सँ बाहर सेहो क’ देत । जाहि केँ फायदा ऑस्ट्रेलिया केँ भेट सकैत छल , लेकिन अफगानिस्तान अपन गेंदबाज सँ सशक्त वापसी करी क’ विकेट लेलकै आओर विजय अर्जित केलक । आब अफगानिस्तान 27 जून क’ पहिल सेमीफाइनल मे दक्षिण अफ्रीका केँ सामना करत। संगहि दोसर सेमीफाइनल मे भारतीय टीम केँ मुकाबला इंग्लैंड सँ होयत।