मणिपुर पर संघ प्रमुख केँ कड़ा संकेत : एक वर्ष मे आओर बिगड़ल स्थिति

नागपुर: राष्ट्रीय स्वयंसेवक संघ केँ प्रमुख मोहन भागवत सोम दिन मणिपुर मे एक साल मे शांति स्थापित नै होयबाक पर चिंता व्यक्त कयलनि आओर कहलनि जे संघर्षग्रस्त पूर्वोत्तर राज्य केँ स्थिति पर प्राथमिकता सँ सरकार द्वारा विचार करल जाय । एहि ठाम रेशमबाग स्थित डॉ. हेडगेवर स्मृति भवन परिसर में संस्था केँ कार्यकर्ता विकास वर्ग-द्वितीय केँ समापन कार्यक्रम मे आरएसएस प्रशिक्षु सबके सभा केँ संबोधित करैत भागवत कहलनि जे अलग-अलग जगह पर समाज मे द्वंद्व भेनाइ उचित नहि अछि । ओ चुनावी बयानबाजी सँ हटि क’ देश क’ समक्ष आबि रहल समस्या पर ध्यान देबाक जरूरत पर जोर देलथि।

ओ कहला जे मणिपुर पिछला एक साल सँ शांति स्थापित हेबाक इंतजार मे अछि। 10 साल पहिने मणिपुर मे शांति छल। बुझायल जेना बंदूकक संस्कृति ओतहि समाप्त भ’ गेल, मुदा अचानक राज्य मे हिंसा बढ़ि गेल अछि। संघ प्रमुख कहलनि जे, मणिपुरक स्थिति पर प्राथमिकता पर विचार करय पड़त। चुनावी बयानबाजी सँ ऊपर उठि कए राष्ट्र कए सामने आबि रहल समस्या पर ध्यान देबाक जरूरत अछि। पिछला साल मई मे मणिपुर मे मेइटेई आ कुकी समुदाय क’ बीच हिंसा भड़कि गेल छल। तकर बाद लगभग 200 लोकक मृत्यु भ’ चुकल अछि, जखन कि भारी आगजनी केँ बाद हजारों लोक विस्थापित भ’ गेल अछि। एहि आगजनी मे घर आ सरकारी भवन जरि क’ राख भ’ गेल। पिछला किछु दिन मे जिरिबाम सँ ताजा हिंसा क’ खबरि आबि रहल अछि।