IIT मे 20 विद्यार्थी के स्वर्ण पदक द’ सम्मानित करती…..
लहरि रूम( रांची) :महामहिम राष्ट्रपति 31 जुलाई 2025 क’ संध्या 5:48 बजे झारखण्ड कें राजधानी रांची पहुँचलि ।रांची कें हवाई अड्डा पर झारखण्ड के मुख्यमंत्री हेमंत सोरेन हुनक स्वागत कयलनि। राजभवन मे राज्यपाल संतोष गंगवार जी हुनक अभिनन्दन कयलनि रांची कें विशिष्ट लोकनि लोकनि सँ रात्रि मे भेट कयलनि। रात्रि विश्राम राजभवन मे कयलनि।
राष्ट्रपति कें आजुक कार्यक्रम
राष्ट्रपति आइ 1 अगस्त क’ प्रातः लगभग 9:30 बजे राजभवन सँ रांची हवाई अड्डा के लेल प्रस्थान करती। वायुसेना के विमान सँ दुर्गापुर जेती। पुनः ओहिठाम सँ धनबाद पहुँचती। IIT (IISM) धनबाद के दीक्षांत समारोह मे भाग लेती। IIT के 100 वर्ष पूर्ण होयबाक उपलक्ष्य मे डाक टिकट जारी करती। 37 टा मे सँ 20 विद्यार्थी केर गोल्ड मेडल प्रदान करती। एक विद्यार्थी के स्पॉंसर मेडल प्रदान करती। IIT परिसर में अटल इनोवेशन सेंटर मे आयोजित आदिवासी महिला सबके द्वारा प्रदर्शनी के अवलोकन संग परिसर मे वृक्षारोपण सेहो करती। अहि अवसर पर प्रधानमंत्री के पूर्व सलाहकार पी के मिश्रा जी कें डॉक्ट्रेट ऑफ़ साइंस कें मानद उपाधि सँ सम्मानित कयल जायत। कार्यक्रम मे झारखंड के राज्यपाल संतोष गंगवार संग केंद्रीय शिक्षा मंत्री धर्मेंद्र प्रधान आ झारखण्ड सरकार के मुक्यमंत्री प्रतिनिधि के रूप मे उच्च एवं तकनीकी शिक्षा मंत्री सुदिव्य कुमार सोनू उपस्थित रहता
