लहरि रूम (पटना) : आइ बिहारक राजनीति लेल ऐतिहासिक दिन छल । नीतीश कुमार रिकार्ड 10 म बेर मुख्यमंत्रीक पद केर शपथ लेलनि । सम्राट चौधरी आ विजय कुमार सिन्हा नव सरकार मे उप मुख्यमंत्री पद केर शपथ लेलनि। नीतीश कुमार केँ अलावा 25 सदस्य मंत्री पद केर शपथ लेलनि । NDA के प्रचण्ड विजय के उपरांत पटना के ऐतिहासिक गांधी मैदान एहि भव्य शपथ ग्रहण समारोह के साक्षी बनल। आइ प्रातः काल 11.30 बजे गांधी मैदान मे समारोह प्रारम्भ भेल। शपथ ग्रहण समारोह मे प्रधानमंत्री नरेंद्र मोदी, अमित शाह, जेपी नड्डा, भाजपा आ एनडीए शासित राज्य केर सब मुख्यमंत्री संग अनेको स्टार प्रचारक लोकनि सेहो सम्मलित भेलाह।
