लहरि रूम (रांची) : बाबा विद्यापति स्मृति समिति, रांची कें कार्यालय मे शनि दिन 26 अप्रैल क’ मैथिल समाज के भीष्म पितामह स्व. लेखानंद झा जिक पहिल पुण्यतिथि पर श्रदांजलि देल गेल । एहि कार्यक्रमक अंतर्गत कार्यक्रम मे उपस्थित मैथिल समुदायक लोक सहित समितिक समस्त पदाधिकारी लोकनि स्वर्गीय लेखानंद झा जीक प्रतिमा केँ पुष्प श्रद्धांजलि देलनि । समिति के अध्यक्ष जयंत झा कहलनि जे, जीवन भरि सामाजिक न्याय के सिद्धांत के पालन करय वाला मैथिल समाज के भीष्म पितामह, वरिष्ठ अधिवक्ता आ स्वर्गीय लेखानंद झा सब मैथिल निवासी के लेल प्रेरणा के स्रोत छलाह। अपन सम्पूर्ण जीवन मैथिली सभ्यता आ संस्कृतिक संरक्षण दिस समर्पित केलनि । ओ इहो जानकारी देलनि जे स्वर्गीय लेखानंद झा रांची सिविल कोर्ट मे 50 साल धरि सेवा देने छलाह, जकरा लेल हुनका रांची जिला बार एसोसिएशन द्वारा सम्मानित कयल गेल, संगहि ओ जानकारी देलनि जे स्वर्गीय लेखानंद झा झारखंड राज्यक योजना नीति मे मैथिली भाषा केँ शामिल करबाक लेल लगातार संघर्ष करैत छलाह, जकर लड़ाई एखन धरि झारखंड हाईकोर्ट मे चलि रहल अछि।
जयंत झा हुनक पहिल पुण्यतिथि पर श्रद्धांजलि दैत कहलनि जे ओ सदिखन मैथिल समाज के लेल प्रेरणा के स्रोत बनल रहताह, आ आइ समस्त मैथिल समाज के हुनकर पदचिन्ह पर चलय के जरूरत अछि। एहि कार्यक्रम मे 51 ब्राह्मण सहित सैकड़ों लोक के भोजन परोसल गेल।
अहि अवसर पर समिति संयोजक ज्ञानदेव झा, महासचिव उदित नारायण ठाकुर, समिति अध्यक्ष जयंत झा, अंजनीकांत झा, जितेन्द्र मिश्र, पवन सोनी, पंकज कुमार राय, सुमन कुमार झा, राजेश झा, राधेश्याम यादव, विजय कुमार यादव, अनूप झा, रंजीत कुमार लाल दास, सुमन कुमार, विनय कुमार आदि उपस्थित छला।
