गौतम अडानी केँ बिहार मे प्रवेश
पटना : अडानी ग्रुप केँ बिहार मे सीमेंट उत्पादन करबाक हेतु नव प्लांट लगाओल जा रहल अछि। एहि सीमेंट फैक्ट्रीक निर्माण लेल बियाडा वारसिलीगंज मे बंद चीनी मिलक 72 एकड़ जमीन अडानी ग्रुप केँ उपलब्ध कराओल गेल अछि। जाहि पर अम्बुजा सीमेंट केँ ग्रेडिंग यूनिटक स्थापना होयत । एहि संयंत्र केँ निर्माण सँ प्रत्यक्ष रूप सँ 1000 लोक केँ रोजगार भेटत आ अप्रत्यक्ष रूप सँ 5000 लोक रोजगारक अवसर भेटत।
बिहार केँ नवादा जिलाक वारिसलीगंज औद्योगिक क्षेत्र मे अदानी ग्रुप केँ अम्बुजा सीमेंट लिमिटेड केँ सीमेंट फैक्ट्री केँ शिलान्यास 29 जुलाई 2024 क’ होयत। एहि केँ शिलान्यास मुख्यमंत्री नीतीश कुमार करताह। ई जानकारी उद्योग विभाग केँ अपर मुख्य सचिव संदीप पौंड्रिक देलनि अछि ओ कहला जे 6 एमएमटीपीए क्षमता वाला एहि फैक्ट्री क अनुमानित लागत 1400 करोड़ अछि। एहि संयंत्र स हजारों लोक केँ रोजगार भेटत।
