नई दिल्ली/ प्रसिद्ध भारतीय गायक, गीतकार आ अभिनेता लकी अली अपन एक्स अकाउंटपर मुसलमानक विषयमे गम्भीर बात कहलनि। अली एहि एकटा ट्वीटसँ चर्चामे आबि गेल छथि। ओ एहि ट्वीटक माध्यमसँ अपन दर्द व्यक्त कयने छथि।
मकसूद महमूद अली, जे लकी अलीक नामसँ सेहो जानल जाइत छथि, ओ एकटा प्रसिद्ध भारतीय गायक, गीतकार आ अभिनेता छथि। नब्बे के दशक मे बहुत रास लोकप्रिय गीत आ एल्बम के संग ओ एकटा पैघ व्यक्तित्व के रूप मे उभरल छलाह।
फिल्म कहो ना प्यार हैक एक पल का जीना आ ना तुम जानो ना हम सन कतेको, लोकप्रिय गीतक लेल जानल जायवला गायक अलि, अपन एक्स अकाउंट पर दुख व्यक्त कयलनि। ओ आइ अपन एक्स अकाउंट पर ट्वीट कऽ आजुक समयमे मुसलमान होयबाक भावना व्यक्त कयलनि अछि।
लकी अली आजुक युगमे मुसलमान होयबाक अपन विचार व्यक्त करैत एकरा एकटा अकेला अनुभव बतौलनि अछि। ओ अपन एक्स अकाउंटपर लिखलनि, ष्आइ दुनियामे मुसलमान होयब एकटा अकेलापन अछि।
पैगम्बरक सुन्नतक अनुसरण करब एकटा अकेलापन अछि, अहाँक मित्र सभ चलि जायत आ दुनिया अहाँकेँ आतंकवादी कहब शुरू कऽ देत। प्रसिद्ध गायकक एहि ट्वीटक बाद प्रशंसक एहि पोस्टपर लगातार प्रतिक्रिया दऽ रहल छथि आ हुनका सङ्ग रहबाक आश्वासन दऽ रहल छथि।
लकीक एहि ट्वीटक बाद लोक अलग-अलग तरहक प्रतिक्रिया दऽ रहल छथि। एकटा यूजर लिखलनि, ष्उस्ताद जी नीक लोक छथि आ खराब लोक सेहो छथि।ष् जे होइ, मुदा हमरा लेल अहाँ एकटा किंवदंती छी आ हरदम रहब। प्रत्येक नीक व्यक्ति नीक व्यक्ति होइत अछि, एहि सँ कोनो फर्क नहि पड़ैत अछि जे ओ लकी अली छथि वा लकी शर्मा।
दोसर लिखलकरू ष्इ कोना फर्क कए सकैत अछि? जँ अहाँक मित्र अहाँकेँ छोड़ि रहल अछि तँ ओ कहियो अहाँक मित्र नहि छल। अहाँकेँ खुशी होयबाक चाही जे एहि कारणेँ अहाँ एहन लोकक मानसिकताकेँ बुझैत छी।
लकी अलीक एहि ट्वीटक बाद लोक लगातार हुनका प्रति प्रेम व्यक्त कऽ रहल छथि आ हुनका सङ्ग रहबाक आश्वासन दऽ रहल छथि। लकी स्वर्गीय दिग्गज अभिनेता महमूदक बेटा छथि। लकी नब्बे के दशक आ दू हजारक शुरुआतमे देल गेल अपन शानदार गीतक लेल जानल जाइत छथि। एकर अतिरिक्त, ओ कतेको चलचित्रसभमे सेहो नजरि आयल छथि। २००२ मे प्रदर्शित फिल्म श्कांतेशश् लेल सेहो हुनका बहुत प्रशंसा भेटलनि।
एहि चलचित्रमे ओ अमिताभ बच्चन, संजय दत्त, सुनील शेट्टी सन अभिनेताक सङ्ग देखल गेल छलाह। हुनकर नवीनतम गीत श्तू है कहांश एहि साल प्रदर्शित रोमांटिक कॉमेडी फिल्म श्दो और दो प्यारश्मे विद्या बालन आ प्रतीक गाँधी पर चित्रित कयल गेल छल।
