लहरि रूम (रांची) : झारखंड विधानसभा चुनाव 2024 मे एनडीए गठबंधन मे जतय सीट बंटवारा भ’ गेल अछि ओतहि I-N-D-I गठबंधन मे हलचल केँ खबरि आबय लागल अछि। कहल जा रहल अछि जे भारत गठबंधन मे सीट बंटवारा केँ फैसला कांग्रेस सांसद आओर लोकसभा मे विपक्षी नेता राहुल गांधी केँ झारखंड अयला केँ बाद होएत। बताओल जा रहल अछि जे राहुल गांधी 19 अक्टूबर क’ रांची मे संविधान बचाओ सम्मेलन केँ संबोधित करताह, जकर बाद I-N-D-I गठबंधन केँ सब नेताक संग बैसार होएत, ओकर बाद सीट बंटवारा केँ घोषणा कैल जाएत।
I-N-D-I गठबंधन मे सीट बंटवारा सँ पहिने राजद अपन मंशा व्यक्त केलक…..
झारखंड विधानसभा चुनाव के संबंध मे I-N-D-I गठबंधन मे सीट बंटवारा के अंतिम रूप देबय सँ पहिने घटक दल RJD अपन मंशा स्पष्ट कयलक अछि। झारखंड प्रदेश राष्ट्रीय जनता दल संसदीय बोर्ड केँ बैसार झारखंड प्रदेश राष्ट्रीय जनता दल (राजद) कार्यालय रांची मे संसदीय बोर्ड केँ अध्यक्ष एवं पूर्व मंत्री सुरेश पासवान की अध्यक्षता मे सपन्न भेल ।
बैसार मे सर्वसम्मति सँ निर्णय लेल गेल जे झारखंड मे भ’ रहल विधानसभा चुनाव मे राष्ट्रीय जनता दल 22 सीट पर चुनाव लड़त। संगहि निर्णय लेल गेल जे सभ सीट केँ चयन आओर उम्मीदवार केँ चयन राष्ट्रीय जनता दल (RJD) केँ सम्मानित राष्ट्रीय अध्यक्ष लालू प्रसाद यादव करताह। संसदीय दलक बैसार मे राष्ट्रीय अध्यक्ष केँ सर्वसम्मति सँ निर्णय लेबाक अधिकार देल गेल।
