रांची: दिनांक 20/5/2024 क’ मैथिल लोकनिक संगठन बाबा विद्यापति स्मारक समिति अपन समस्त मैथिल समुदाय आ मिथिलावासी सँ अपील क’ कयलक अछि जे आगामी रांची लोकसभा चुनाव दिनांक 25/5/2024 शनि दिन भोर 7 बजे सँ सांझ 5 बजे तक होयत मुदा दिन मे अत्यधिक गर्मी केँ कारण एहि लेल, भोरे अपन वोट के प्रयोग करू आ संगहि अपन समाज केँ समस्त मिथिलावासी केँ अपन मताधिकार केँ उपयोग करय लेल प्रेरित करू। मिथिलावासी सँ सादर आग्रह जे अपन वोट के उपयोग करी आ अपन मताधिकार केँ उपयोग बिना कोनो लोभ केँ सही सरकार आ देश के हित मे करू ! “पहिने मतदान तखन जलपान” केँ ध्यान बनेने रहब। उपरोक्त बातक अपील समिति केँ अध्यक्ष जयंत झा कयलनि। बाबा विद्यापति स्मारक समिति ,रांची केँ तरफ सँ कोकर क्षेत्र केँ मध्यकर्मीय विद्यालय मे मतदाता लोकनिक मतदान केँ बाद अल्पाहार व्यवस्था आगामी 25 तारीख क’ चुनाव केँ दिन रहत।
