लहरि रूम : मीडिया सूत्र केँ अनुसार रेआसी केँ शिवखोडी सँ लौटैत काल श्रद्धालु सभक बस पर आतंकी हमला एकटा सुनियोजित षड्यंत्र छल। आतंकी हमला करय लेल सही समय चुनलक। जखन नरेन्द्र मोदी देश केँ प्रधानमंत्री पद केँ शपथ लेबय वाला छलाह। ओना आतंकवादीक हमलाक रणनीति ठीक ओहिना छल । जेना सैन्य वाहन पर घात लगा क’ बैसब।
आतंकी सब हमला करबाक लेल साँझक समय चुनलक, जाहि सँ भागब आसान भ’ जाय। जाबे तक हुनका सब पर कोनो तरहक कार्रवाई होयत ताबे अन्हार भ जायत। ओना एहि बेर आतंकी लेल समय सही छल।
भक्त पर हमला करय वाला आतंकी सेनाक वर्दी मे छला। घात लगा क’ बैसल आतंकी बसक सामने आबिते गोलीबारी शुरू क’ देलनि । कियो किछु बुझबासँ पहिने बसमे अराजकता मचि गेल। बस मे जा रहल यात्री कहलनि जे ओ सब कटरा सँ शिवखोडी भोले बाबाक दर्शन करबा लेल आयल छल। हमसब दुपहर मे दर्शन क’ वापस कटरा वापस आबि रहल छलहुं। शिवखोड़ी धाम सँ बस केँ निकलला केँ करीब आधा घंटा मात्र बीति गेल छल कि एक ठाम सेना केँ वर्दी पहिरने एकटा आतंकी सीधा बस के सामने आबि गेल। किनको किछु बुझबासँ पहिने ओ गोली चलाबय लगलाह । एकटा गोली ड्राइवर पर लागल आ बस बेकाबू भ’ गेल आ खाई मे खसि पड़ल। तकर बाद सेहो आतंकी बस मे गोली चलाबैत रहल। बहुत समय तक बस मे सवार लोक पूर्ण घबराहट मे रहलाह, ककरो जीवित रहबाक कोनो आशा नहि बुझाइत छल। बाद मे जखन बचावक काज शुरू भेल त’ ओ फेर सँ जीवित भ’ गेलाह।
