पटना : मीडिया सूत्रक अनुसार , आई 20 जून वृहस्पति दिन नीतीश कैबिनेटक बैसार मे 22टा एजेंडा केँ मंजूरी देल गेल अछि। पटना मे मेट्रो ट्रेन संचालन क’ संबंध मे तेजी सँ काज चलि रहल अछि आ पटना मेट्रो रेल परियोजनाक निर्माण केँ काज तीन चरण मे भ’ रहल अछि। पटना केँ बाद बिहार राज्य केँ अन्य चारि जिला मे सेहो मेट्रो रेल परिचालन केँ तैयारी शुरू भ’ गेल अछि। बिहारक नीतीश सरकार आइ भेल कैबिनेटके बैसार मे अपन लिखीत सैद्धांतिक मंजूरी द’ देलक अछि। एहि केँ अनुसार बिहार राज्य केँ जिला दरभंगा, मुजफ्फरपुर, भागलपुर आ गया मे सेहो मेट्रो रेल केँ परिचालन होएत।
