नई दिल्ली/ जवाहरलाल नेहरू विश्वविद्यालय (जेएनयू) हिन्दू अध्ययन केन्द्रक सङ्ग बौद्ध आ जैन अध्ययन केन्द्रक स्थापना करत। ई जानकारी विश्वविद्यालयक आधिकारिक अधिसूचनामे देल गेल छल।
अधिसूचनामे कहल गेल अछि जे तीनू नव केन्द्र संस्कृत आ भारतीय अध्ययन विद्यालयक अन्तर्गत स्थापित कयल जायत। नव केन्द्र स्थापित करबाक निर्णयकेँ जवाहरलाल नेहरू विश्वविद्यालय (जेएनयू) कार्यकारी परिषद २९ मईकेँ एकटा बैसारमे मंजूरी देलक।
जेएनयू राष्ट्रीय शिक्षा नीति (२०२०) आ विश्वविद्यालयमे भारतीय ज्ञान प्रणालीक कार्यान्वयनक विषयमे बेसी जानबा आ सिफारिश करबाक लेल एकटा समितिक गठन कयलक छल। ९ जुलाईकेँ जारी अधिसूचनामे कहल गेल अछि, ष्कार्यकारी परिषद २९ मईकेँ आयोजित अपन बैसारमे एनईपी-२०२० आ भारतीय ज्ञान प्रणालीकेँ जानबा आ सिफारिश करबाक लेल गठित समितिक सिफारिश आ विश्वविद्यालयमे एकर आगाँ कार्यान्वयन आ संस्कृत आ भारतीय अध्ययन विद्यालयक भीतर निम्नलिखित केन्द्रक स्थापनाकेँ मंजूरी देलक अछि।
दिल्ली विश्वविद्यालय (डीयू) पछिला साल हिन्दू अध्ययन केन्द्रक स्थापना कयलक जे वर्तमानमे स्नातकोत्तर डिग्री प्रदान करैत अछि। डीयूमे पहिनेसँ बौद्ध अध्ययनक लेल एकटा विभाग अछि आ मार्चमे ओकरा ३५ करोड़ टाकाक अनुमानित लागतसँ बौद्ध धर्ममे उन्नत अध्ययन केन्द्र स्थापित करबाक लेल केन्द्र सरकारसँ स्वीकृति भेटल छल।
