“वह तीन बार से पीएम बन रहे है, कोई वैकेंसी नहीं” , राहुल के बारे मे तेजस्वी के बयान पर संजय झा (जदयू- सांसद) मारलनि तंज !
लहरि रूम (पटना ) : मीडिया सूत्र सँ खबरि आबि रहल अछि जे, राजद नेता तेजस्वी यादव के वक्तव्य जे ‘अगिला बेर राहुल गांधी के पीएम बनेबाक काज करब’ के ल’ कs बिहार मे राजनीति तेज भ’ गेल अछि। जदयू सांसद संजय कुमार झा एहि पर कांग्रेस के तंज कसैत कहलनि जे राहुल गाँधी तीन बेर पीएम बनिये रहल छथि। एहि देशक जनता हुनका कहियो पीएम नहि बनाओत। लोक हुनका लोकनिक काज देखलनि अछि। एक दोसरा के पीएम आ सीएम बनाबैत रहैत छथि, किएक त’ कोनो रिक्ति नहिं अछि, ने पीएम के लेल आ ने सीएम के लेल। एकर संग-संग झा कहला जे ‘SIR’ इ सिर्फ बिहार मे भ’ रहल अछि। बिहार के बाहर विरोध प्रदर्शन भ’ रहल अछि। विरोध प्रदर्शन करै वला सब बिहार के जनता सँ हुनकर राय किएक नहि पूछय छथि।
