रांची : आई दिनाँक 2 मई 2024 वृहस्पति दिन रांची लोकसभा सँ आगमी लोकसभा चुनाव 2024 हेतु NDA उम्मीदवार , भारतीय जनता पार्टी सँ संजय सेठ प्रत्याशी बनि नामांकन कयला। एहि अवसर भारतीय जनता पार्टी झारखण्ड प्रदेश केँ समस्त पदाधिकारी गण, रांची महानगर केँ पदाधिकारी गण, विधायक सी पी सिंह, समरी लाल आजसू पार्टी के सुप्रीमो सुदेश महतो उत्तराखंड केँ मुख्यमंत्री पुष्कर सिंह धामी, जनता दल यूनाइटेड केँ प्रदेश अध्यक्ष खिरू महतो संग हजारो केँ संख्या मे समर्थक लोकनि उपस्थित छला।
नामंकन सँ पूर्व वार्ड 26 केँ निवर्तमान पार्षद आओर मैथिली मंच केँ सदस्य अरुण कुमार झा केँ नेतृत्व मे स्व. श्यामा प्रसाद मुखर्जी केँ प्रतिमा पर मल्यार्पण उपरान्त मिथिला संस्कृति केँ सम्मान पाग पहिरा आओर दोपटा पहिरा क’ आगामी लोकसभा केँ चुनाव हेतु शुभकामना देल गेल। एहि अवसर पर विश्वम्भर फॉउण्डेशन केँ सचिव नवीन कुमार झा , समर सिंह , बीरेंद्र कुमार सिंह, भाजपा हरमू मंडल अध्यक्ष इंद्रजीत यादव, बनारस यादव, पूर्व भाजपा रांची महानगर अध्यक्ष के के गुप्ता , अरगोड़ा मंडल अध्यक्ष मुनेश्वर साहू उपस्थित छला।
