बिहार राज्य निवेश प्रोत्साहन पर्षद द्वारा बिहार मे निवेश हेतु इच्छुक लगभग एक दर्जन बेसी प्रस्ताव सबके मंजूरी देल गेल। जाहिमे पटना आओर मधुबनी मे सीमेंट प्लांट लगबैक संबंधी प्रस्ताव केँ क्लियरेंस भेटल अछि। अल्ट्राटेक एवं जेपी पटना आओर मधुबनी मे सीमेंट उत्पादन करय चाहैत अछि। दुनू प्रतिष्ठान कुल 698 करोड़ केँ निवेश करय जा रहल अछि। जेके लक्ष्मी सीमेंट मधुबनी मे 329 करोड़ रुपया केँ प्लांट लगबैक प्रस्ताव रखने अछि। जाहि केँ प्रथम स्वीकृति भेट गेल अछि। स्वीकृति विकास आयुक्त चैत्यन प्रसाद केँ अध्यक्षता मे बिहार राज्य प्रोत्साहन पर्षद केँ 54 वीं बैसार मे देल गेल।
