“सामाजिक आर्थिक एवं संसदीय अध्ययन केन्द्र” संस्था द्वारा कयल गेल वृक्षारोपण।

लहरि रूम (रांची ) : आइ शोध उन्मुख सामाजिक आर्थिक एवं संसदीय अध्ययन केन्द्र के सदस्य लोकनिक द्वारा राजकीय कृत बुनियादी मध्य विद्यालय, नामकुम, रांची के परिसर मे “एक वृक्ष माँ के नाम” कार्यक्रम के तहत वृक्षारोपण कयल गेल | संस्थान मे फलदार, छायादार आ रिहायशी इमारती लकड़ी गाछ जेना आम, जामुन, अमरूद, जैकफ्रूट आ काला तिल, सागवान , गमहर, महुआ आदि रोपल गेल।एहि कार्यक्रम मे संस्थान के सचिव अयोध्यानाथ मिश्र, संयुक्त सचिव अमरनाथ झा, रमाकांत महतो, अरुण कुमार मिश्र, अजय तिवारी, डॉ. विजय शंकर दास, विजय सिंह आदि के संग स्कूल के प्रधानाध्यापक बृजेन्द्र चौबे आ समस्त शिक्षक वृन्द उत्साह के संग परिसर मे वृक्षारोपण कयलनि | कार्यक्रम के आयोजन रमाकांत महतो आ शिक्षक विजय कुमार सिंह केने छलाह । सबसँ महत्वपूर्ण बात इ छल जे स्कूल के छात्र सब वृक्षारोपण के एकटा उल्लेखनीय आयोजन के रूप मे सम्पादित कयलनि । प्रवीण कुमार गुप्ता, पुष्पा कुजुर, पुष्पा बेक, इन्दु कुमारी, मंजू रानी, अशोक कुमार, रीमा बड़ा एवं प्रियंका तिरकी, आ सब शिक्षक लोनकि बहुत उत्साह सँ अपन माय के नाम पर वृक्षारोपण कयलनि | सचिव अयोध्यानाथ मिश्र वृक्षारोपण के भौतिक-मौलिक महत्व आ पर्यावरण संतुलन मे अहि उपयोगिता के बारे मे बात केलनि।