दरभंगा के बाद आब पूर्णिया के भेटत ‘हवाई अड्डा’ के सौगात !

लहरि रूम (पटना) : प्रधानमंत्री नरेंद्र मोदी 15 सितंबर क’ बिहार कें पूर्णिया जिला के दौरा के क्रम में पूर्णिया हवाई अड्डा के उद्घाटन करताह। ओ शिशबाडी गाम मे जनसभा के सेहो संबोधित करताह, जतय पूर्णिया, कटिहार, अररिया आओर किशनगंज जिला के लोकक जुटान के उम्मीद अछि। बिहार भाजपा के एकटा वरिष्ठ नेता के अनुसार प्रधानमंत्री मोदी मिथिला क्षेत्र के सीमांचल के जनता के एकटा पैघ उपहार देता जे एहि क्षेत्र के बहुत दिन सँ मांग रहल अछि आ बहुप्रतीक्षित हवाई अड्डा के उद्घाटन करताह। 15 सितंबर क’ ओ हवाई अड्डा के उद्घाटन करताह आ एहि सुविधा के पहिल वाणिज्यिक सेवा के सेहो हरियर झंडा देखौता।