अगर हमर सरकार बनल तखन नरेंद्र मोदी सलाखक पाछु रहताह : विवादित बयान (मीसा भारती )

पटना (बिहार) : राजद सुप्रीमो लालू प्रसाद केँ पैघ बेटी आओर पटलीपुत्र सँ राजद केँ उम्मीदवार मीसा भारती द्वारा प्रधानमंत्री नरेंद्र मोदी पर विवादित बयान द’ क’ बिहार केँ राजनीति मे गहमा – गहमी आनि देलनि अछि । मीसा भारती केँ कहनाय छनि जे अगर लोक सब I-N-D-I गठबंधन केँ सत्ता मे सौपति अछि त’ पीएम मोदी सलाख केँ पाछु रहताह। लालू प्रसाद केँ पैघ धीया मीसा भारती एतहि नहि रुकलथि ओ आओर कहलनि जे जखन कखनो पीएम मोदी अबैत छथि त’ हमर परिवार पर भ्रष्टाचारक आरोप लगबैत छथि। अगर देश केँ जनता हमरा सब केँ मौका देत त’ प्रधानमंत्री केँ संग संग कतेको भाजपाक नेता जेल मे रहताह।