लहरि रूम (रांची ) : मदर्स डे कार्यक्रम के लेल सुन्दर सजल स्थानीय कलकत्ता पब्लिक स्कूल के सभागार स्कूल के बच्चा आ हुनक माँ सबके के आगमन के बेसब्री सँ प्रतीक्षा क’ रहल बुझाइत छल। निस्संदेह भारत मे वर्ष के प्रत्येक दिन के प्रारम्भ अपन माय के दर्शन , गप्प-सप्प, आ हुनका लेल शुभकामना सँ होइत अछि। लेकिन मातृ दिवस विशेष रूप सँ माँ केर योगदान, त्याग, तप, समर्पण, आ भक्ति केँ सम्मान देबाक लेल मनाबय जाय लागल अछि ।कलकत्ता पब्लिक स्कूल के प्री-प्राइमरी शाखा के सैय सँ बेसी छात्रा आ हुनकर माँ सब एहि आनन्ददायक कार्यक्रम मे भाग लेलनि। सभागार मे उपस्थित किछु माता लोकनि “शुभकारोतिकाल्यनम् आरोग्यन्धनासंपदाः शत्रु-बुद्धि-विनशयदीपज्योतिर्न्मोस्तुते” केर मंत्रोचार संग दीप प्रज्वलित क’ कार्यक्रमक उद्घाटन केलनि।
मातृ दिवस के महत्व पर अपन वक्तव्य दैत निर्देशक मिथिलेश कुमार मिश्र कहलनि जे, “जननी जन्मभूमिश्च स्वर्गदपी गरियासी” मतलब माता आ मातृभूमि के स्थान स्वर्ग सँ पैघ अछि | मातृशक्ति के महत्व के वर्णन करैत ओ मध्यकालीन काल के लक्ष्मीबाई आ रानी पद्म के संग जगत जननी सीता, मैत्रेयी, गार्गी, भारती, भामती, लोपा के उल्लेख केलथि । आधुनिक युग मे पिछला 10 साल मे यूपीएससी, आईआईटी, नीट परीक्षा सहित, ओलंपिक, एशियाई खेल आदि मे महिला छात्रा आ एथलीट के उपलब्धि पर प्रकाश दैत आ हुनकर उत्कृष्टता आ योगदान पर चर्चा कयलनि ।
एहि अवसर पर स्कूली बालिका सब स्वागत गीत सहित किछु मनमोहक प्रस्तुति देलनि। सबसँ बेसी मनमोहक प्रस्तुति छल माँ के अपन बच्चा के संग ग्रुप डांस।
कार्यक्रम के अंत मे धन्यवाद ज्ञापन श्रीमती आरती कुमारी प्रभारी प्राथमिक द्वारा कयल गेल | मंच संचालन श्रीमती चैताली मित्रा केलनि ।
